შეხვედრა მაღალმთიანი აჭარის პედაგოგებთან

საქართველოს განათლებისა და მეცნიერების მინისტრი აჭარის რეგიონში ვიზიტის ფარგლებში ხელვაჩაურის, ქედას, შუახევისა და ხულოს საჯარო სკოლების პედაგოგებს, დირექტორებსა და საგანმანათლებლო რესურსცენტრების ხელმძღვანელებს შეხვდა.
ალქსანდრე ჯეჯელავამ რამდენიმე კვირის წინ, მინისტრის რანგში, პირველი სამუშაო შეხვედრა ბათუმის საგანმანათლებლო სფეროს წარმომადგენლებთან უკვე გამართა. ამჯერად, მაღალმთიანი აჭარის პედაგოგებს მიეცათ შესაძლებლობა მინისტრთან პირდაპირი კომუნიკაციის.
ალექსანდრე ჯეჯელავამ შეხვედრის მონაწილეებს სამომავლო გეგმები გააცნო და ზოგადი განათლების სფეროში მიმდინარე მოვლენებზე პედაგოგთა მოსაზრებები მოისმინა. მინისტრმა სამუშაო შეხვედრის ფარგლებში, მის მიმართ დასმულ ყველა შეკითხვას უპასუხა.

მინისტრი საჯარო სკოლების დირექტორებს შეხვდა

მე მაქვს მანდატი და დიდი სურვილი სკოლებს დავეხმარო - ასე მიმართა ალექსანდრე ჯეჯელავამ განათლებისა და მეცნიერების სამინისტროში მოწვეულ თბილისის დიდკონტიგენტიანი და სპეციალიზირებული სკოლების დირექტორებს, რომელთანაც გაცნობითი ხასიათის შეხვედრა გამართა.


საქართველოს განათლებისა და მეცნიერების მინისტრის ინიციატივით, შეხვედრები სკოლის დირექტორებთან მუდმივ რეჟიმში გაგრძელდება, ასევე შეიქმნება დირექტორთა საბჭო, სადაც იმსჯელებენ სკოლებში არსებულ მდგომარეობაზე, პრობლემებზე და მათი გადაჭრის გზებზე.

პედაგოგებმა მინისტრისაგან მხარდაჭერის პირობა მიიღეს

საქართველოს პედაგოგთა და მეცნიერთა თავისუფალი პროფკავშირის ინიციატივით, სწავლა/სწავლების აქტუალურ საკითხებზე საჯარო სკოლების საბუნებისმეტყველო (ფიზიკა, ქიმია, ბიოლოგია) და ინფორმაციული–საკომუნიკაციო ტექნოლოგიების (ისტ) მასწავლებელთა კონფერენცია გაიმართა. კონფერენციას 700–ზე მეტი პედაგოგი ესწრებოდა საქართველოს ყველა რეგიონიდან.


კონფერენციის მუშაობაში მონაწილეობა საქართველოს განათლებისა და მეცნიერების მინისტრმა ალექსანდრე ჯეჯელავამ მიიღო. მინისტრი თავის ვრცელ სიტყვაში ზოგად განათლებაში არსებულ ყველა მნიშვნელოვან თემას შეეხო, ისაუბრა სისტემაში არსებული პრობლემების მოგვარების მისეულ ხედვაზე. შემდეგ შეხვედრა დიალოგის ფორმატში წარიმართა, ბოლოს მინისტრმა პედაგოგთა მოსაზრებებიც მოისმინა და მათ შეკითხვებს უპასუხა.


კონფერენციის ფარგლებში მსჯელობა გაიმართა შეხვედრაში მონაწილე განათლებისა და მეცნიერების სამინისტროს ეროვნული სასწავლო გეგმების დეპარტამენტის საგნობრივ ექსპერტებთანაც.

ჩემი პირველი ჩანაწერი ბლოგზე

დღეს ისტ-ის ტრენინგის მესამე დღეა. დღევანდელ ტრენინგზე ვისწავლე ბლოგის შექმნა. მინდა, რომ ჩემი ბლოგი საინტერესო, შთამბეჭდავი და ორიგინალური იყოს. შევეცდები ჩემი მოლოდინები განვახორციელო. იმედი მაქვს გამომივა.